రియాద్:జాతీయ పతాకానికి సంబంధించి సౌదీ ప్రభుత్వం కొత్త మార్గనిర్దేశకాలను జారీ చేసింది. ఇక నుంచి అన్ని ప్రభుత్వ, ప్రైవేట్ సంస్థలు తమ అధికారిక భవనాలపై సౌదీ జాతీయ పతాకాన్ని ఎగురవేయాలని సూచించింది. పవిత్ర మక్కా గవర్నర్, రాయల్ సలహాదారుడు ప్రిన్స్ ఖలేద్ అల్ ఫైసల్ ఈ మేరకు మార్గనిర్దేశకాలను విడుదల చేశారు. ఇక నుంచి ప్రతి ప్రభుత్వ, ప్రైవేట్ సంస్థల బిల్డింగ్ లపై వారంలో ప్రతి రోజు జాతీయ పతాకం ఎగురుతూనే ఉండాలని ఈ కొత్త మార్గనిర్దేకాల సారాంశం. సౌదీ జాతీయ పతాక చట్టం ప్రకారం ప్రతి కార్యాలయం బిల్డింగ్ పై జాతీయ పతాకం రెపరెపలాడుతూ ఉండాలి. కానీ, యువరాజు ఖలేద్  తన పరిశీలనలో చాలావరకు కార్యాలయాలు ఈ నిబంధనలను పట్టించుకోలేదని నిర్ధారించుకున్నారు. దీనిపై ఆగ్రహం వ్యక్తం చేసిన యువరాజు ఇక నుంచి ప్రతి కార్యాలయ భవనాలపై సౌదీ జాతీయ పతాకం ఎగురుతూనే ఉండాలని ఆదేశించారు. అంతేకాదు..ప్రతి కార్యాలయంపై జాతీయ పతాకం విధానం అమలు ఆదేశాలను యువరాజు స్వయంగా పరిశీలించనున్నారు.