యూఏఈకి వివిధ దేశాల నుంచి వచ్చే ప్రయాణీకుల కోసం బహ్రెయిన్‌ ఎయిర్‌ స్పేస్‌ని అనుమతించాలంటూ యూఏఈ పెట్టుకున్న అభ్యర్థనని బహ్రెయిన్‌ సానుకూలంగా పరిశీలించి, అనుమతించింది. మినిస్ట్రీ ఆఫ్‌ ట్రాన్స్‌పోర్ట్‌ అండ్‌ కమ్యూనికేషన్‌ - సివిల్‌ ఏవియేషన్‌ ఎఫైర్స్‌ డిపార్ట్‌మెంట్‌, యూఏఈ జనరల్‌ సివిల్‌ ఏవియేషన్‌ అథారిటీ నుంచి వచ్చిన అభ్యర్థనను సమ్మతించినట్లు పేర్కొంది. సౌదీ అరేబియా కూడా ఇదే తరహా ప్రకటన ఇటీవల చేసింది. యూఏఈ - ఇజ్రాయెల్‌ మధ్య సంబంధాలు మెరుగుపడిన నేపథ్యంలో ఈ పరిణామాలు మరింత సానుకూల వాతావరణానికి కారణమవుతున్నాయి. కాగా, యూఎస్‌ - ఇజ్రాయెలీ డెలిగేషన్‌ టెల్‌ అవివ్‌ నుంచి అబుదాబీకి వచ్చి, వెళ్ళడం జరిగింది.