కువైట్ సిటీ:పిసిఆర్‌ టెస్ట్‌ తర్వాత నెగెటివ్‌ సర్టిఫికెట్‌ పొందిన కొందరు ప్రయాణీకుల్లో కోవిడ్‌19 ఇన్ఫెక్షన్‌ని గుర్తించినట్లు తెలుస్తోంది. కువైట్‌ అంతర్జాతీయ విమానాశ్రయంలో కొందరికి నిర్వహించిన పరీక్షల్లో ఈ విషయం తేటతెల్లమయ్యింది. అంతర్జాతీయ ప్రయాణాలకు గ్రీన్‌ సిగ్నల్‌ ఇచ్చిన దరిమిలా, కొన్ని ప్రత్యేకమైన జాగ్రత్తలు, నిబంధనల్ని పాటించాల్సిందిగా ప్రయాణీకులకు సూచిస్తున్న విషయం విదితమే. కాగా, వీలైనంతవరకు జనం ఎక్కువగా గుమికూడకుండా వుండాలని ప్రయాణీకులకు సూచిస్తున్నారు అధికారులు. నిబంధనల ఉల్లంఘించేవారిపై చర్యలు కూడా తీసుకుంటున్నారు.