రియాద్:సౌదీ అరేబియాలో పరిధిలోని ఫారెక్స్ అఫీసుల నిర్వహణకు కట్టుదిట్టమైన నిబంధనలు అమలులోకి రానున్నాయి. ఇక నుంచి విదేశీ కరెన్సీ మార్పిడి, ఇతర లావాదేవీలు నిర్వహించే ఫారెన్స్ ఆఫీసుల నిర్వహణకు ఖచ్చితంగా సౌదీ సెంట్రల్ బ్యాంక్, సౌదీ అరేబియా మానిటరీ అథారిటీ నుంచి ఖచ్చితంగా లైసెన్స్ పొందాల్సి ఉంటుంది. లైసెన్స్ ఐదేళ్ల పాటు చెల్లుబాటులో ఉంటుంది. లైసెన్స్ గడువు ముగిసే ఆరు నెలల ముందే మళ్లీ రెన్యూవల్ చేసుకోవాల్సి ఉంటుంది. ఫారెన్స్ ఆఫీసుల ద్వారా కొందరు ఆర్ధిక ఆక్రమాలకు పాల్పడుతున్న నేపథ్యంలో సౌదీ ప్రభుత్వం ఇలా కట్టుదిట్టమైన చర్యలు చేపట్టింది. కొత్త నిబంధనలతో మనీ లాండరింగ్, ఉగ్రవాద కార్యకలాపాలకు ఫైనాన్సింగ్ అరికట్టడంతో పాటు వినియోగదారుల హక్కులను పరిరక్షించేందుకు ఫారెక్స్ ఆఫీసులపై నిఘా కొనసాగించేందుకు అవకాశం ఏర్పడుతుంది. అయితే..హోటల్, టూరిజమ్ అఫీసులలో విదేశీ నగదు మార్చుకునేందుకు మినహాయింపు ఇచ్చారు. కానీ, తర్వాత ఆ విదేశీ నగదును కచ్చితంగా బ్యాంకుల్లోగానీ, లైసెన్స్ పొందిన ఫారెక్స్ ఆఫీసులలోగానీ అప్పగించి స్థానిక నగదును పొందాల్సి ఉంటుంది.