మనామా: కింగ్‌ హమాద్‌ బిన్‌ ఇసా అల్‌ ఖలీఫా, అమెరికా అధ్యక్షుడు డోనాల్డ్‌ ట్రంప్‌ని ప్రత్యేకంగా అభినందించారు. బహ్రెయిన్‌ - ఇజ్రాయెల్‌ మధ్య శాంతి ఒప్పందంపై డోనాల్డ్‌ ట్రంప్‌ సంతకం చేసిన దరిమిలా కింగ్‌ హమాద్‌ ఆయన్ను అభినందించారు. ఈ సందర్భంగా డోనాల్డ్‌ ట్రంప్‌, బహ్రెయిన్‌ కింగ్‌ హమాద్‌కి కృతజ్ఞతలు తెలిపారు. బహ్రెయిన్‌ శాంతి ఆలోచనల పట్ల హర్షం వ్యక్తం చేసిన అమెరికా అధ్యక్షుడు ట్రంప్‌, ఈ సందర్భంగా కింగ్‌ హమాద్‌ గొప్పతనాన్ని కొనియాడారు. కాగా, కింగ్‌ హమాద్‌, అమెరికా అధ్యక్షుడు డోనాల్డ్‌ ట్రంప్‌కి కృతజ్ఞతలు తెలుపుతూ, శాంతి అనేది బహ్రెయిన్‌కి వ్యూహాత్మక అవకాశమని చెప్పారు.