మస్కట్‌:ఆదాయపు పన్ను చట్టంలో మార్పులు చేయబడిన ప్రొవిజన్స్‌ కేవలం కంపెనీలకు సంబంధించినవి మాత్రమేనని అధికారులు వెల్లడించారు. సుల్తాన్‌ హైతం బిన్‌ టారిక్‌ జారీ చేసిన రాయల్‌ డిక్రీ సెప్టెంబర్‌ 14న విడుదలైన విషయం విదితమే. ఈ డిక్రీపై మినిస్ట్రీ అధికారులు స్పష్టతనిచ్చారు. కంపెనీల లాభాలపై టాక్స్‌కి సంబంధించి ఈ చట్టంలో మార్పులు జరిగాయనీ, ఇండివిడ్యువల్స్‌కి ఈ మార్పులతో ఎలాంటి సంబంధం లేదని పేర్కొన్నారు. ఇన్‌స్టిట్యూషన్‌, ఫెసిలిటీ లేదా ఒమనీ కంఎనీ లేదా స్టేబుల్‌ ఎస్టాబ్లిష్‌మెంట్‌కి సంబంధించి రెగ్యులేషన్స్‌ ఇందులో పేర్కొనబడినట్లు అధికారులు వివరించారు. ఆయా ఫెసిలిటీస్‌, సుల్తానేట్‌లో కమర్షియల్‌ రిజిస్ట్రీ కలిగి వుంటే, టాక్స్‌ చట్టం పరిధిలోకి వస్తాయి.