కువైట్ సిటీ‌: కువైట్‌లోని ముబరక్‌ అల్‌ కబీర్‌ ఆసుపత్రిలో జరిగిన ఓ ఘర్షణకు సంబంధించి 15 మందిని పోలీసులు అరెస్ట్‌ చేశారు. పదునైన ఆయుధాలతో ఒకరిపై ఒకరు దాడి చేసుకున్నట్లు పోలీసులు వివరించారు. ఈ ఘటనకు సంబంధించి మినిస్ట్రీ ఆఫ్‌ ఇంటీరియర్‌కి చెందిన ఆపరేషన్స్‌ రూమ్ కి ఫిర్యాదు అందింది. వెంటనే రంగంలోకి దిగిన పోలీసులు, నిందితుల్ని అరెస్ట్‌ చేశారు. మరికొంతమంది సంఘటనా స్థలం నుంచి పారిపోయారనీ, వారిని పట్టుకునేందుకు ప్రయత్నిస్తున్నామని అధికారులు తెలిపారు.