యూఏఈ రెసిడెంట్‌ ఒకర్ని ఎస్‌ఎంఎస్‌ ఫ్రాడ్‌ ద్వారా దోచుకునేందుకు యత్నించిన గ్యాంగ్‌ని పోలీసులు అరెస్ట్‌ చేశారు. ఈ గ్యాంగ్‌లో మొత్తం 9 మంది సభ్యులు వున్నట్లు తెలిపారు పోలీసులు. బ్యాంక్‌ రిప్రెజెంటేటివ్స్‌గా చెప్పుకుంటూ నిందితులు, ఎస్‌ఎంఎస్‌లు పంపి, వినియోగదారుల నుంచి పెద్దమొత్తంలో నగదు దోచుకుంటున్నట్లు పోలీసులు పేర్కొన్నారు. నిందితులు 96,000 దిర్హామ్ల మొత్తానికి మోసం చేసేందుకు యత్నించినట్లు అధికారులు వివరించారు. సెంట్రల్‌ రీజియన్‌ పోలీస్‌ డిపార్ట్‌మెంట్‌ యాక్టింగ్‌ డైరెక్టర్‌ కల్నల్‌ హమాద్‌ అల్‌ రియామి మాట్లాడుతూ విచారణ సందర్భంగా గ్యాంగ్‌ వ్యూహాల్ని కనుగొన్నామనీ, నిందితుల్ని అరెస్ట్‌ చేశామనీ, వారి దగ్గరనుంచి పెద్ద సంఖ్యలో ఫోన్లు, చిప్స్‌ స్వాధీనం చేసుకున్నామని అన్నారు. ఈ తరహా మోసాల పట్ల ప్రతి ఒక్కరూ అప్రమత్తంగా వుండాలని ఆయన సూచించారు.