మస్కట్‌: ఒమన్‌ ఎయిర్‌ పోర్ట్స్‌, ఒమన్‌లో పర్యటన కోసం వచ్చేవారికి గైడ్‌లైన్స్‌ జారీ చేసింది. ట్రావెలర్స్‌ అంతా, నిర్దేశించబడిన రిజిస్ట్రేషన్‌ ప్రక్రియను పూర్తి చేయాల్సి వుంటుంది. డేటా రిజిస్ట్రేషన్‌, పిసిఆర్‌ టెస్ట్‌కి సంబందించిన అపాయింట్‌మెంట్‌, అలాగే సంబిత చెల్లింపులు ముందస్తుగానే చేయాల్సి వుంటుంది. ఇందు కోసం ఓ లింక్‌ని (Covid19.moh.gov.om/#/traveler-reg ") కూడా పొందుపర్చింది ఒమన్‌ ఎయిర్‌ పోర్ట్స్‌. తరాస్సుద్‌ యాప్‌ ప్లస్‌ అలాగే హెచ్‌ముష్రిఫ్‌ యాప్‌ని కూడా డౌన్‌లోడ్‌ చేసుకోవాల్సి వుంటుంది. ఎయిర్‌ పోర్ట్‌ దగ్గర రద్దీ సమస్యలు ఎదురుకాకుండా ఇవి సహకరిస్తాయి. డిజిటల్‌ వ్రిస్ట్‌ బ్యాండ్‌ని యాక్టివేట్‌ చేసుకోవాల్సి వుంటుంది ఎయిర్‌ పోర్ట్‌లో ల్యాండ్‌ అయిన ప్రయాణీకులు.