మనామా:అక్రమంగా మద్యం విక్రయిస్తున్న ముగ్గురికి బహ్రెయిన్ క్రిమినల్ కోర్టు జైలు శిక్ష విధించింది. దోషులు సల్మాబాద్ ప్రాంతంలో అక్రమంగా మద్యం అమ్ముతున్నట్లు పోలీసులు వెల్లడించారు. మద్యం అమ్మకాల విషయం తమ దృష్టికి రావటంతో పకడ్బందీ వల పన్ని ముగ్గుర్ని అదుపులోకి తీసుకున్నట్లు వివరించారు. అయితే..అరెస్ట్ సమయంలో దోషుల్లో పోలీసులతో దురుసుగా ప్రవర్తించినట్లు పేర్కొన్నారు. మద్యం అమ్మకాల్లో సూత్రధారిగా ఉన్న వ్యక్తికి క్రిమినల్ కోర్టు మూడేళ్ల జైలు శిక్ష విధించగా..అతనికి సాయంగా ఉన్న ఇద్దరికి ఆరు నెలల చొప్పున జైలు శిక్ష పడింది.