దుబాయ్:పబ్లిక్ ట్రాన్స్ పోర్ట్ ద్వారా ప్రయాణం చేసే వారిని ప్రొత్సహించేలా ఆఫర్లు ప్రకటించింది దుబాయ్ రోడ్డు రవాణా సంస్థ. ప్రజా రవాణా ద్వారా ప్రయాణం చేసే వారు 3 ఫోల్డ్ వినియోగం ద్వారా నNOL పాయింట్స్ ను పొందవచ్చని ఆర్టీఏ అధికారులు వివరించారు. అలాగే పబ్లిక్ ట్రాన్స్ పోర్ట్ కేంద్రాల ద్వారా సినిమా టికెట్లు, ఆన్ లైన్ షాపింగ్ డిస్కౌంట్ కూపన్లు పొందవచ్చని వివరించింది. 11వ పబ్లిక్ ట్రాన్స్ పోర్ట్ డే సందర్భంగా ఈ నెల 25 నుంచి నవంబర్ 1 వరకు ఈ అఫర్లు వినియోగదారులకు అందుబాటులో ఉంటాయి. నల్ పాయింట్లతో పాటు వినియోగదారులకు వోక్స్ సినిమా ద్వారా 100 సినిమా టికెట్లు అందించనున్నామని, అయితే..60 టికెట్లను పబ్లిక్ ట్రాన్స్ పోర్ట్ కేంద్రాల్లో అందిస్తామని, మరో 40 టికెట్లను సోషల్ మీడియాలో క్విజ్ పోటీల ద్వారా వినియోగదారులు గెలుచుకోవచ్చని ఆర్టీఏ వివరించింది.
అలాగే నూన్.కమ్ ప్రతి పబ్లిక్ ట్రాన్స్ పోర్ట్ వినియోగదారుడికి ఆన్ లైన్ షాపింగ్ డిస్కౌంట్ కోసం ప్రొమో కోడ్ ను కూడా ఇవ్వనుంది.