హైదరాబాద్:తన లగేజీలో చందనం చక్కలను తీసుకెళ్తున్న వ్యక్తిని హైదరాబాద్ కస్టమ్స్ అధికారులు అదుపులోకి తీసుకున్నారు. పట్టుబడిన వ్యక్తి..హైదరాబాద్ నుంచి ఎయిర్ అరేబియా ఫ్లైట్ లో షార్జా వెళ్లాల్సి ఉంది. అయితే..లగేజ్ చెక్ చేసిన అధికారులు నిందితుడి బ్యాగ్ లో చందనం చెక్కలు ఉన్నట్లు గుర్తించారు. మొత్తం 5.30 కేజీల చందనం ముక్కలు ఉన్నాయని...వాటి విలువ 13 వేల వరకు ఉంటుందని అధికారులు వివరించారు. నిబంధనలకు విరుద్ధంగా చందనాన్ని తరలించేందుకు ప్రయత్నించటం నేరమని..నిందితుడ్ని అదుపులోకి తీసుకొని తదుపరి దర్యాప్తు చేస్తున్నట్లు అధికారులు వెల్లడించారు.