బహ్రెయిన్: బహ్రెయిన్‌ న్యాయస్థానం, ఓ వలసదారుడికి ఐదేళ్ళ జైలు శిక్ష విధించింది. మానవ అక్రమ రవాణా‌ కేసులో నిందితుడిపై అభియోగాలు నిరూపితమయ్యాయి. ట్రాఫికింగ్‌ ఇన్‌ పర్సన్స్‌ చీఫ్‌ ప్రాసిక్యూటర్‌ మర్వా అల్‌ నష్వాన్‌ వెల్లడించిన వివరాల ప్రకారం, ఫస్ట్‌ హై క్రిమినల్‌ కోర్టు నిందితుడ్ని నేరస్తుడిగా నిర్ధారించినట్లు తెలుస్తోంది. తన ఎంప్లాయర్‌ ఇంటి నుంచి తప్పించుకున్న ఓ హౌస్‌ మెయిడ్‌ని సెక్స్‌ ట్రేడ్‌లోకి నిందితుడు మళ్ళించాడు. ఆమెని లొంగదీసుకుని, ఆమె ద్వారా ఓ అపార్ట్‌మెంట్‌లో వ్యభిచారం నిర్వహిస్తున్నాడు. నిందితుడికి 2,000 బహ్రెయినీ దినార్స్‌ జరీమానా విధించారు. బాధితురాలిని స్వదేశానికి తిరిగి పంపేందుకు సంబంధించిన ఖర్చుల్ని కూడా నిందితుడు భరించాలని న్యాయస్థానం ఆదేశించింది. జైలు శిక్ష తర్వాత నిందితుడ్ని దేశం నుండి బహిష్కరించటం జరుగుతుంది.