బహ్రెయిన్‌ వ్యాప్తంగా ఫార్మసీలలో 4 బహ్రెయినీ దినార్స్‌ ఖర్చుతో కరోనా వైరస్‌ (కోవిడ్‌ 19) ర్యాపిడ్‌ యాంటీజెన్‌ టెస్ట్‌ అందుబాటులో వుంటుందని మినిస్రీ & టాఫ్‌ హెల్త్‌ వెల్లడించింది. ప్రతి ఒక్కరూ తేలికగా ఈ పరీక్షలు చేసుకునేందుకు ఈ అవకాశం కలిపిస్తున్నట్లు అథారిటీస్‌ పేర్కొంటున్నాయి. కేవలం 15 నిమిషాల్లోనే పరీక్ష ఫలితం వెల్లడవుతుంది. ఎక్కడెక్కడ ఈ పరీక్షలు అందుబాటులో వుంటాయో మినిస్ట్రీ ఆఫ్‌ హెల్త్‌ ఎప్పటికప్పుడు వెబ్‌ సైట్‌లో పొందుపర్చడం జరుగుతుంది. నేషనల్‌ హెల్త్‌ రెగ్యులేటరీ అథారిటీ ఈ వ్యవహారాన్ని పూర్తిగా పర్యవేక్షిస్తుంటుంది. కాగా, పిసిఆర్‌ టెస్ట్‌ అనేది యధాతథంగా కొనసాగుతుందని మినిస్ట్రీ స్పష్టం చేసింది. 93 శాతం ఖచ్చితత్వంతో ర్యాపిడ్‌ యాంటీజెన్‌ టెస్ట్‌ ఫలితాన్ని ఇస్తుంది.