మస్కట్‌ ఎయిర్‌పోర్ట్‌లో అరెస్ట్‌ అయిన వెయ్యి మంది కన్‌స్ట్రక్షన్‌ వర్కర్స్‌ పరిస్థితి అగమ్యగోచరంగా తయారైంది. అక్రమ పద్ధతుల్లో వీసా పొందడమే వారు చేసిన నేరం. నిన్న మస్కట్‌ ఎయిర్‌ పోర్ట్‌లో వారిని అడ్డుకున్న అధికారులు, ఆ తర్వాత వారిని విడిచి పెట్టేసినట్లు అధికార వర్గాలు చెబుతున్నాయి. అయితే వారికి ఫైన్‌ విధించారా? అరెస్ట్‌ చేశారా? అరెస్ట్‌ చేస్తే ఎక్కడున్నారు? అనే అంశాలపై స్పష్టత రావడంలేదు. అక్రమ వలసదారుల పట్ల ప్రభుత్వ నిబంధనలు కఠినంగా ఉన్నాయనీ, ఎవరూ అలాంటివాటిని ప్రోత్సహించరాదని డైరెక్టర్‌ జనరల్‌ ఆఫ్‌ లేబర్‌ వెల్ఫేర్‌ సలీమ్‌ అల్‌ బాదీ చెప్పారు. ఇంకో వైపున 1580 మంది ఇల్లీగల్‌ ఫారిన్‌ వర్కర్స్‌ ఆమ్నెస్టీని ఆశ్రయించారు. తమపై ఎలాంటి పెనాల్టీ ప్రభుత్వం విధించకుండా, తమను స్వదేశాలకు పంపే ఏర్పాట్లు చేసేలా ప్రభుత్వాన్ని ఒప్పించాలని ఆమ్నెస్టీని కోరారు బాధితులు.
 

                                        --- నూనె లెనిన్ కుమార్ (ఒమాన్)