మస్కట్‌: నార్త్‌ అల్‌ బతినా గవర్నరేట్‌ పరిధిలో ఇద్దరు చిన్నారులు నీట మునిగిన ఘటన చోటు చేసుకుంది. ఈ మేరకు పబ్లిక్‌ అథారిటీ ఫర్‌ సివిల్‌ డిషెన్స్‌ అండ్‌ అంబులెన్స్‌ ఓ ప్రకటన చేసింది. నార్త్‌ అల్‌ బతినా గవర్నరేట్‌ సివిల్‌ డిఫెన్స్‌ మరియు అంబులెన్స్‌ డిపార్ట్‌మెంట్‌, ఇద్దరు చిన్నారుల మిస్సింగ్‌ కేసు విషయమై రంగంలోకి దిగాయి. విలాయత్‌ అల్‌ ఖబౌరాలోని  వాడి అల్‌ హవాస్నాహ్‌లో ఇద్దరు చిన్నారులు గల్లంతయ్యారు. వీరిలో 12 ఏళ్ళ చిన్నారి మృతదేహాన్ని కనుగొన్నారు. మరో చిన్నారి కోసం గాలింపు కొనసాగిస్తున్నారు.