కువైట్ సిటీ:కువైట్ లోని ప్రవాసీయులు, విజిట్ విసాదారుల రెసిడెన్సీ పర్మిషన్ కు సంబంధించి కువైట్ ప్రభుత్వం కీలక నిర్ణయం తీసుకుంది. రెసిడెన్సీ అనుమతుల గడువు ముగిసిన వారు డిసెంబర్ 1 నుంచి డిసెంబర్ 31 నాటికల్లా తమ స్టేటస్ ను తనిఖీ చేసుకోవాలని సూచించింది. గడువు ముగిసన వారు నివాస అనుమతుల ఉల్లంఘన కింద జనవరి 1, లేదా అంతకుముందే ఫైన్ చెల్లించి తగిన అనుమతులు పొందాలని తెలిపింది. ఒకవేళ దేశం విడిచి వెళ్లాలని అనుకుంటే...తప్పనిసరిగా ఫైన్ చెల్లించి ప్రయాణానికి సంబంధించి క్లియరెన్స్ పత్రాలను పొందాలని వివరించింది. నిర్ణీత గడువులోగా జరిమానాలు చెల్లించిన వారు మాత్రమే భవిష్యత్తులో తిరిగి కువైట్ చేరుకునేందుకు అనుమతి ఉంటుందని తెలిపింది. ఒకవేళ నిర్ణీత సమయంలో ఫైన్ చెల్లించకుంటే వారికి భవిష్యత్తులో కువైట్ తిరిగి వచ్చేందుకు అనుమతి ఇవ్వబోమని కూడా హెచ్చరించింది. ఇక ప్రస్తుత సంక్లిష్ట పరిస్థితుల నేపథ్యంలో విజిట్ వీసాదారుల వీసా ఆటోమెటిగ్గా రెన్యూవల్ అవుతుందని, అయితే..తాత్కాలిక రెసిడెన్సీ అనుమతులను మాత్రం అందుకు అనుగుణంగా సవరించుకోవాల్సి ఉంటుంది. లేదంటే ఈ నెలాఖరు నాటికి దేశం విడిచి వెళ్లాలని సూచించింది. 

--దివాకర్(మాగల్ఫ్ ప్రతినిధి,కువైట్)