సౌదీ అరేబియా జనరల్‌ డైరెక్టరేట్‌ ఆఫ్‌ పాస్‌పోర్ట్స్‌, ఎగ్జిట్‌ వీసా ఓవర్‌ స్టేయింగ్‌పై హెచ్చరికలు జారీ చేసింది. ఎగ్జిట్‌ వీసా కలిగి వుండి, ఎక్కువ కాలం నిబంధనలకు విరుద్ధంగా వుంటోన్నవారికి 1,000 సౌదీ రియాల్స్‌ జరీమానా విధించడం జరుగుతుందని ఆ హెచ్చరికల్లో పేర్కొన్నారు. వీసా పొందిన వ్యక్తి, వీసా గడువు తీరినా దేశంలో వుంటే, వీసాని క్యాన్సిల్‌ చేసుకుని, కొత్తది పొందడానికి 1,000 సౌదీ రియాల్స్‌ జరీమానా చెల్లించాల్సి వస్తుందని ట్విట్టర్‌లో పేర్కొన్నారు అధికారులు. వలసదారుడి ఐడెంటిటీ కార్డు చెల్లుబాటయ్యేలా వుంటేనే, ఆ ప్రాసెస్‌ పూర్తి చేయడానికి వీలవుతుంది. ఓ వర్కర్‌ విషయమై ఎగ్జిట్‌ వీసా తన వద్దకు వచ్చిందనీ, రెసిడెన్సీ పర్మిట్‌ కూడా గడువు తీరినా, ఆ వ్యక్తి దేశం విడిచి పోలేదనీ ఓ ఎంప్లాయర్‌ మినిస్ట్రీని ఆశ్రయించడం జరిగింది. దాంతో, మినిస్ట్రీ నుంచీ ఈ స్పందన వచ్చింది. గత నెలలో సౌదీ అరేబియా, మేజర లేబర్‌ రిఫార్మ్స్‌ని తీసుకురావడం జరిగింది. జాబ్‌ మొబిలిటీ, ఎగ్జిట్‌ మరియు రీ-ఎంట్రీ వీసా జారీ (ఎంప్లాయర్స్‌ అప్రూవల్‌ లేని వలస కార్మికుల కోసం) వంటివి ఇందులో ముఖ్యమైనవి. ఈ రిఫార్మ్స్‌ వల్ల లక్షలాది మంది మైగ్రెంట్‌ వర్కర్స్‌ ఉపశమనం పొందారు.