అబుధాబి:అబుధాబిలో బ్రిడ్జి లపై జనవరి 2 నుంచి టోల్ గేట్ ఫీజు అమల్లోకి రానుంది. దీంతో వాహనదారులు అంతా తమ టోల్ గేట్ అకౌంట్లను రిజిస్టర్ చేసుకొని యాక్టివేట్ చేయించుకోవాలని అబుధాబి అధికారులు వెల్లడించారు. https://darb.itc.gov.ae  ద్వారాగానీ, డర్బ్ యాప్ ద్వారాగానీ వాహన యజమానులు టోల్ గేట్ అకౌంట్లను యాక్టీవేట్ చేయించుకోవాలని సూచించారు. టోల్ ఛార్జీని Dh4గా నిర్ధారించారు. వాహనదారులు టోల్ గేట్ దాటిన ప్రతిసారి నిర్ణయించిన మొత్తం చెల్లించాల్సి ఉంటుంది. అయితే...అబుధాబిలోని నాలుగు వంతెనలపై వాహనాల రద్దీ ఎక్కువగా ఉన్న సమయాల్లో మాత్రమే డర్బ్ విధానం అమలులో ఉంటుంది. అంటే ఉదయం 7 నుంచి 9 గంటల వరకు, సాయంత్రం 5 నుంచి 7 గంటల వరకు డర్బ్ యాక్టివేట్ అవుతుంది. 

--సుమన్(మాగల్ఫ్ ప్రతినిధి,అబుధాబి)