అత్యుత్తమ మెయిల్ సర్వీసుల్లో అగ్రగామిగా ఉన్న జీమెయిల్లో కొత్త ఫీచర్ను జత చేర్చారు. ఇకపై యాహూ.. అవుట్లుక్.. హాట్మెయిల్ను కూడా జీమెయిల్లో ఓపెన్ చేసుకునే సదుపాయాన్ని కల్పిస్తున్నట్లు ప్రముఖ సెర్చ్ ఇంజిన్ దిగ్గజం గూగుల్ వెల్లడించింది.సందేహాలు: 'ఫ్రీడమ్ 251' ఒక స్మార్ట్ఫోన్ కుంభకోణమా?ఈ ఫీచర్కు పెట్టిన పేరు జీమెయిల్ఫై. 'జీమెయిల్ఫై' ఫీచర్ కోసం ముందుగా జీమెయిల్లోకి ఈమెయిల్ ఐడీలు, పాస్వర్డ్లతో లాగిన్ అవ్వాలి.ఆ తర్వాత 'జీమెయిల్ఫై' ఫీచర్ను ఎనేబుల్ చేయాలి. తద్వారా మీ జీమెయిల్లో యాహూ, అవుట్ లుక్, హాట్మెయిల్ పని చేయడం మొదలవుతుంది.యాహూ, అవుట్లుక్, హాట్మెయిల్ మెయిళ్లకూ స్పామ్ ప్రొటెక్షన్ పని చేస్తుంది. దీంతో పాటు జీమెయిల్ లాగే ఇన్బాక్స్ టూల్స్ పనిచేస్తాయని జీమెయిల్ తన అధికారిక బ్లాగులో వెల్లడించింది. అంతేకాదు ఈ ఫీచర్ను వద్దనుకుంటే కొన్ని మెయిల్ ఐడీలను జీమెయిల్ఫై నుంచి తొలగించే వీలును కూడా కల్పించింది.
ప్రస్తుతం యాహూ, హాట్మెయిల్, మైక్రోసాఫ్ట్ అవుట్లుక్ ఈమెయిళ్లకు మాత్రమే జీమెయిల్ఫై పనిచేస్తుందని.. త్వరలో మరిన్ని అందుబాటులోకి రానున్నట్లు గూగుల్ తెలిపింది.