పదేళ్ళ క్రితం ముచ్చట పడి  కొనుగోలు చేసిన స్థలం ఇంకా తమ పేరిట రిజిష్ట్రార్ కాకపోవడంతో ఆ రియల్ ఎస్టేట్ పెట్టుబడీదారులు ఖంగుతిన్నారు. వారు ఈ స్థలాన్ని ఒక మాజీ షూరా మండలి సభ్యుడు వద్ద కొనుగోలు చేశారు. ఇప్పటకీ తమ పేరిట ఎందుకు రిజిష్ట్రార్ కాలేదని వాకబు చేయగా, స్థల విక్రేత కొంతకాలం క్రితం స్థానిక బ్యాంకు లో ఇదే స్థలాన్ని తనఖా పెట్టి రుణం పొందాడని తెలిసింది. దీంతో చట్టపరమైన చిక్కులు ప్రస్తుతం ఏర్పడ్డాయి. దీంతో పెట్టుబడిదారులు చొరవ తీసుకొని మాజీ షూరా మండలి సభ్యుడు తీసుకొన్న అప్పును కట్టివేశారు. తర్వాత వారు అదే స్థలంలో 100 ఫ్లాట్ల భారీ నిర్మాణాన్ని పూర్తిచేశారు. ఈ ఫ్లాట్లను కొనుగోలుచేసిన వారి పేరిట రిజిష్ట్రార్ చేయాల్సిన క్రమంలో అ పనులకు ఉపక్రమించగా, మళ్ళీ ఈ ఫ్లాట్లు వారికి రిజిష్ట్రార్ కాలేదు. మరలా ఏమైందని విచారణ చేసిన పెట్టుబడిదారులకు తలపై మరో మొట్టికాయ పడింది. అదే మాజీ షూరా మండలి సభ్యుడు ఇంకా అదే బ్యాంకు కు, మరో 5 లక్షల బహెరిన్ దినార్లను చెల్లించాల్సి ఉన్నట్లు బ్యాంకు రికార్డులలో నమోది ఉంది.  ఈ కారణం వల్ల ఆ స్థలం రిజిష్ట్రార్ కాదని తేలింది. దీంతో పెట్టుబడిదారులు స్థల విక్రేతను కలిసి ఈ పరిస్థితి గూర్చి నిలదీయాలని అక్కడకు వెళితే, ఆర్ధిక లావాదేవీలు తనను చికాకు పెడుతున్న నేపధ్యంలో మాజీ షూరా మండలి సభ్యుడు  దేశాన్ని విడిచి, ఆచూకీ కనుగోనలేని మరో అజ్ఞాత దేశానికి వెళ్లిపోయినట్లు పెట్టుబడిదారులకు తెలియడంతో నిశ్చెస్టులయ్యారు.