కువైట్ సిటీ:కువైట్‌ అంతర్జాతీయ విమానాశ్రయం నుంచి అన్ని దేశాలకూ విమానాల రాకపోకలు సాగించే అవకాశం వున్నట్లు తెలుస్తోంది. ఇప్పటిదాకా 34 దేశాలకు చెందిన విమానాలపై ఆంక్షలు వున్న విషయం విదితమే. హెల్త్‌ అథారిటీస్‌, దేశంలోకి డొమెస్టిక్‌ వర్కర్స్‌ రాకపోకలకు సంబంధించి కీలక నిర్ణయం తీసుకోనున్నాయి. కరోనా వ్యాక్సిన్‌ అందుబాటులోకి వస్తున్న దరిమిలా, ఆంక్షల్ని పూర్తిస్థాయిలో సడలించడానికి మార్గం సుగమం అవుతోంది. పలు అంశాల్ని పరిగణనలోకి తీసుకుని, మినిస్ట్రీ ఆఫ్‌ హెల్త్‌ తీసుకునే కీలక నిర్ణయాన్ని బట్టి ప్రయాణీకుల రాకపోకలపై ఆంక్షలు తొలగిస్తారు. కాగా, హోటల్‌ విభాగానికి చెందిన ఆయా సంస్థల్ని ఆహ్వానించి, తప్పనిసరి క్వారంటైన్‌ పీరియడ్‌ని తగ్గించేలా సూచనలు చేయనున్నాయి సంబంధిత అతారిటీస్‌.

--దివాకర్(మాగల్ఫ్ ప్రతినిధి,కువైట్)