సౌదీ అరేబియాలో 300,000 మందికి పైగా వ్యక్తులు కోవిడ్‌ 19 వ్యాక్సిన్‌ కోసం రిజిస్ట్రేషన్‌ చేసుకున్నారు. ఈ విషయాన్ని హెల్త్‌ అఫీషియల్‌ ఒకరు వెల్లడించారు. గురువారం నుంచి కోవిడ్‌ 19 వ్యాక్సినేషన్‌ ప్రక్రియ ప్రారంభించారు. ఫైజర్‌ - బయో ఎన్‌టెక్‌ వ్యాక్సిన్‌ని ఇందుకోసం వినియోగిస్తున్నారు. స్మార్ట్‌ యాప్‌ 'సెహ్హాతి' ద్వారా వెబ్‌సైట్‌లో రిజిస్ట్రేషన్‌ చేసుకోవచ్చు. వచ్చే నెలలో వ్యాక్సినేషన్‌ క్యాంపెయిన్‌ అన్ని రీజియన్స్‌లోనూ ప్రారంభిస్తారు. వాక్సిన్‌ తీసుకోవడం, ఫాలో అప్‌.. వంటివన్నీ సెహాతీ యాప్‌ ద్వారానే జరుగుతాయి. వ్యాక్సినేషన్‌ అనేది ఆప్షనల్‌ అనీ, పౌరులు అలాగే వలసదారులు దీన్ని వినియోగించుకోవచ్చనీ, వ్యాక్సినేషన్‌ ద్వారా కరోనా వైరస్‌ని నియంత్రించగలమనీ అధికారులు చెబుతున్నారు.