ఇండియాకి చెందిన ప్రముఖ విమానయాన సంస్థ ఎయిర్‌ ఇండియా, ఉద్యోగార్థుల్ని ట్రాప్‌లో పడేస్తున్న ఫేక్‌ రిక్రూట్‌మెంట్‌ ప్రకటనల పట్ల అప్రమత్తంగా వుండాలని హెచ్చరికలు జారీ చేసింది. ఎయిర్‌ ఇండియా పేరుతో కొందరు అక్రమార్కులు ఉద్యోగార్థుల్ని తప్పుదోవ పట్టిస్తున్నారని ఈ ప్రకటనలో ఎయిర్‌ ఇండియా వెల్లడించింది. ఎయిర్‌ ఇండియాకి చెందిన వెబ్‌సైట్‌లో మాత్రమే సంబంధిత వివరాలు వుంటాయనీ, ప్రముఖ న్యూస్‌ పేపర్స్‌లో కూడా ప్రకటనలు ఇవ్వడం జరుగుతుందనీ, వాటిని మాత్రమే విశ్వసించాల్సి వుంటుందనీ, ఒకవేళ ఫేక్‌ జాబ్‌ న్యూస్‌ ఎయిర్‌ ఇండియాకి సంబంధించి ఎవరైనా గుర్తిస్తే వెంటనే సమాచారం అందించాలనీ ఎయిర్‌ ఇండియా పేర్కొంది.