కువైట్ సిటీ:మినిస్టర్‌ ఆఫ్‌ హెల్త్‌ డాక్టర్‌ బాసిల్‌ అల్‌ సబాహ్‌, రేపటి నుంచి కోవిడ్‌ 19 వ్యాక్సినేషన్‌ ప్రక్రియ ప్రారంభమవనున్నట్లు వెల్లడించారు. ఇంటర్నేషనల్‌ ఫెయియర్‌ గ్రౌండ్‌ (మిష్రెఫ్‌)లో ఈ కార్యక్రమం ప్రారంభమవుతుంది. బ్యాచ్‌ల వారీగా ప్రతి నెలా వ్యాక్సిన్లు దేశానికి చేరుకుంటాయి. మొదటి షిప్‌మెంట్‌లో భాగంగా 150,000 డోసుల వ్యాక్సిన్‌ వచ్చిందనీ, దీన్ని 75,000 మందికి వినియోగిస్తామని చెప్పారు. ఫ్రంట్‌ లైన్‌ వర్కర్స్‌కి, వయసులో పెద్దవారికి, స్పెషల్‌ నీడ్స్‌ గలవారికి తొలుత ప్రాధాన్యత క్రమంలో వ్యాక్సిన్‌ ఇస్తారు. మెడికల్‌ టీమ్‌లు వ్యాక్సినేషన్‌ క్యాంపెయిన్‌ కోసం సిద్ధంగా వున్నాయి.