కువైట్ సిటీ:ప్రపంచాన్ని వణికిస్తోన్న కరోనా వైరస్‌కి సంబంధించి అంతర్జాతీయ స్థాయిలో చోటు చేసుకుంటున్న పరిణామాలపై ఎప్పటికప్పుడు అప్రమత్తంగా వున్నట్లు మినిస్ట్రీ ఆఫ్‌ హెల్త్‌ వర్గాలు వెల్లడించాయి. కరోనా వైరస్‌ న్యూ స్ట్రెయిన్‌ గురించి అంతర్జాతీయ హెల్త్‌ ఆర్గనైషన్స్‌తో చర్చిస్తున్నట్లు ఆ వర్గాలు పేర్కొన్నాయి. ఇప్పటిదాకా మినిస్ట్రీ ఆఫ్‌ హెల్త్‌ ఏర్పాటు చేసిన ప్రత్యేక రిజిస్ట్రేషన్‌ లింక్‌ ద్వారా 95,000 మందికి పైగా పౌరులు, నివాసితులు కరోనా వ్యాక్సిన్‌ కోసం తమ పేర్లను నమోదు చేసుకున్నారని మినిస్ట్రీ పేర్కొంది. అతి త్వరలో ఈ సంఖ్య 100,000 దాటబోతోందనీ, అందరికీ వాక్సినేషన్‌ అందించే కార్యక్రమం చేపట్టామని మినిస్ట్రీ స్పష్టం చేసింది.

--దివాకర్(మాగల్ఫ్ ప్రతినిధి,కువైట్)