మనామా:బహ్రెయిన్‌ టూరిజం మరియు ఎగ్జిబిషన్‌ అథారిటీ (బిటిఇఎ), న్యూ ఇయర్‌ వేడుకల నేపథ్యంలో తుబ్లి బే రీజియన్‌ వద్ద నిర్వహించే ఫైర్‌వర్క్స్‌ డిస్‌ప్లేని రద్దు చేసినట్లు వెల్లడించింది. కరోనా వైరస్‌పై పోరులో భాగంగా పలు చర్యలు తీసుకుంటున్న అథారిటీస్‌, కరోనా వ్యాప్తిని అరికట్టేందుకోసం ఈ నిర్ణయం తీసుకున్నారు. ఎక్కువమంది ప్రజలు గుమికూడితే కరోనా వ్యాపించే అవకాశాలు ఎక్కువగా వుంటాయన్న కోణంలో ఈ నిర్ణయం తీసుకోవాల్సి వచ్చిందని అథారిటీస్‌ పేర్కొన్నాయి. ప్రజల భద్రతను దృష్టిలో పెట్టుకునే ఈ ఫైర్‌ వర్క్స్‌ డిస్‌ప్లేని రద్దు చేశామని బిటిఇఎ వివరించింది.