కువైట్ సిటీ:అతివాద, ఉగ్రవాద భావజాలం ఉన్న ముగ్గురు వ్యక్తులను అరెస్ట్ చేసినట్లు కువైట్ పోలీసులు వెల్లడించారు. అరెస్టైన వారిలో ఇద్దరు మైనర్లు కూడా ఉన్నారు. మైనర్లలో ఒకరు పదిహేనేళ్లు, మరొకరు పదహారేళ్ల వారు ఉన్నారు. భద్రతా విభాగాలు మైనర్ల ఇంటిలో సోదాలు నిర్వహించగా...లైసెన్స్ లేని ఆయుధాలు, మందుగుండు సామాగ్రి, ఉగ్రవాద చిహ్నాలు ఉన్నట్లు గుర్తించామని అధికారులు వెల్లడించారు. అరెస్టైన ముగ్గిరిని విచారించిన సమయంలో వాళ్ల ఆలోచన విధానాలు ఒకేలా ఉన్నాయని..అతివాద, హింస ప్రేరేపిత భావజాలం ఉన్నట్లు తాము గుర్తించామని తెలిపారు.