శేఖర్ కమ్ముల దర్శకత్వంలో వచ్చిన లైఫ్ ఈజ్ బ్యూటీఫుల్ సినిమా ఎంతటి ఘన విజయం సాధించిందో అందరికి తెలుసు. ఆ చిత్రంలో నటించిన ప్రతి ఒక్కరికి ఇండస్ట్రీలో మంచి అవకాశాలు వచ్చాయి. అందరు కొత్తవాళ్లతో సినిమా తీసిన శేఖర్ కమ్ముల ప్రతి ఒక్కరికి బంగారు భవిష్యత్‌ను అందించారు.

ఈ సినిమాలో హీరోగా నటించిన అభిజిత్ ప్రస్తుతం బిగ్‌బాస్-4 విన్నర్‌గా నిలిచారు. అంతేకాకుండా ఇందులో మొదటిసారిగా నెగిటివ్ క్యారెక్టర్ చేసిన రౌడిభాయ్ విజయ్ దేవరకొండ ఎంతపెద్ద స్టార్‌డమ్‌ సంపాదించారో అందరికి తెలుసు. అయితే బిగ్‌బాస్ విజయం సాధించిన అభిజిత్ వెనక చాలా మంది ప్రోత్సాహం ఉంది. అందులో ముఖ్యంగా విజయ్ దేవరకొండ, నాగబాబు, లైఫ్ఈజ్ బ్యూటీఫుల్ సినిమా టీం తదితరులు ఉన్నారు. వారందరిని కలుస్తూ అభిజిత్ ధన్యవాదాలు తెలుపుతున్నాడు. తాజాగా విజయ్‌ని కలవడానికి వెళ్లినపుడు అక్కడికి అభిజిత్‌తో పాటు లైఫ్ ఈజ్ బ్యూటీఫుల్ టీం కూడా వచ్చింది. ఈ సందర్భంగా వారు దిగిన ఫొటోలను సుధాకర్ తన ఇన్‌స్టాగ్రామ్‌లో పోస్ట్ చేయడంతో అవి ఇపుడు సోషల్ మీడియాలో వైరల్ అవుతున్నాయి.