యూఏఈ:బ్రిటన్ ను బెంబేలెత్తిస్తున్న కోవిడ్ స్ట్రెయిన్ వైరస్ యూఏఈకి కూడా పాకింది. కోవిడ్-19 నుంచి రూపాంతరం చెందిన ఈ వెరియంట్ వైరస్ ను కింగ్డమ్ పరిధిలోనూ గుర్తించినట్లు ఉన్నతాధికారులు వెల్లడించారు. విదేశాల నుంచి వచ్చిన వారికి పాజిటివ్ వచ్చిందని..అయితే, పరిమిత సంఖ్యలోనే పాజిటివ్ కేసులు ఉన్నాయని వివరించింది. ఏదేమైనా స్ట్రెయిన్ వైరస్ మునుపటి వైరస్ కంటే కాస్త మొండి రకమనే వాదనలు ఉన్న నేపథ్యంలో ప్రజలు అంతా అప్రమత్తంగా ఉండాల్సిన అవససరం ఉందని అధికారులు హెచ్చరించారు.