రియాద్:మహిళా స్వాలంభన దిశగా సంస్కరణల బాట పట్టిన సౌదీ ప్రభుత్వం..ఇక విమానయాన రంగంలోనూ మహిళలకు ప్రాధాన్యం ఇస్తోంది. సౌదీ ఎయిర్ లైన్స్ లో 50 మంది ఎయిర్ హోస్టెస్ గా నియామకాలు చేపట్టేందుకు ఉత్తర్వులు జారీ చేసింది. మహిళా స్వాలంభనే కాకుండా స్థానికులకు ఉపాధి అవకాశాలను కల్పించే లక్ష్యంలో భాగంగా ఈ నియామకాలను చేపట్టింది. సౌదీ ఎయిర్ లైన్స్ తమ కో పైలట్ సిబ్బందిలో వంద శాతం సౌదీ ప్రజలనే భర్తీ చేసే ప్రక్రియను ఇటీవలె పూర్తి చేసుకుంది. ఇక ఇప్పుడు ఎయిర్ హోస్టెస్ విషయంలోనూ స్థానికులతో భర్తీ చేస్తోంది. తొలిగా 50 మంది మహిళల నియామకానికి సిద్ధపడింది. సౌదీ ఎయిర్ వేస్ లో హోస్టెస్ గా చేరాలనుకుంటున్న వారు 20 నుంచి 30 ఏళ్ల మధ్య వయసున్న వారు అర్హులు. కనీసం సెకండరీ ఎడ్యూకేషన్ పూర్తి చేయాల్సి ఉంటుంది. ఎయిర్ లైన్స్ స్టాండర్ట్స్ ప్రకారం ఎత్తుకు తగినట్లు నిర్దేశించిన బరువు ఉండాలి. మెడికల్ ఎగ్జామినేషన్ నిర్వహించి తుది భర్తీ ప్రక్రియ పూర్తి చేస్తారు.