యూఏఈ:యూఏఈ మినిస్ట్రీ ఆఫ్ హెల్త్ అండ్ ప్రివెన్షన్ వెల్లడించిన వివరాల ప్రకారం గత 24 గంటల్లో 53,859 మందికి కరోనా వ్యాక్సిన్ అందించినట్లు తెలుస్తోంది. మొత్తం ఇప్పటిదాకా 941,556 వ్యాక్సిన్ షాట్స్‌ని ఇచ్చారు. ఈ ఏడాది తొలి క్వార్టర్ పూర్తయ్యేనాటికి మొత్తంగా దేశ జనాభాలోని 50 శాతం మందికి కరోనా వ్యాక్సిన్ అందించాలనే లక్ష్యంతో యుద్ధ ప్రాతిపదికన చర్యలు చేపడుతున్నారు. వీలైనంత త్వరగా ప్రతి ఒక్కరూ వ్యాక్సిన్ పొందేలా ప్రచార కార్యక్రమాన్ని కూడా ఉధృతం చేస్తున్నారు. మరీ ముఖ్యంగా వృద్ధులు వ్యాక్సిన్ తప్పక తీసుకోవాలని అథారిటీస్ సూచిస్తున్నాయి.