అబుధాబి:కరోనా వైరస్‌కి విరుగుడుగా రష్యా రూపొందిస్తోన్న వ్యాక్సిన్ (స్పుత్నిక్ వి)కి సంబంధించి మూడో దశ ట్రయల్స్ అబుధాబిలో ప్రారంభమయ్యాయి. ముందుగా 500 మంది వాలంటీర్లకు కరోనా వ్యాక్సిన్ ఇచ్చారు. యూఏఈ మినిస్ట్రీ ఆఫ్ హెల్త్అండ్ ప్రివెన్షన్ పర్యవేక్షణలో వ్యాక్సిన్ ప్రకియ కొనసాగిస్తున్నారు.అబుధాబి హెల్త్ సర్వీసెస్ కంపెనీ ఈ కార్యక్రమం చేప్టటింది. ఇతర కోవిడ్ వ్యాక్సిన్ ప్రయోగాల్లో  పాల్గొనని వారు, 18 ఏళ్ళ పైబడినవారు, 14 రోజులుగా ఎలాంటి శ్వాస సంబంధిత సమస్యలు లేనివారికి మాత్రమే వ్యాక్సిన్ ఇస్తున్నారు. 20 రోజుల వ్యవధితో రెండు డోసుల్లో వ్యాక్సిన్ ఇవ్వడం జరుగుతుంది. అల్ అయిన్‌లోని తవామ్ హాస్పిటల్‌లో పరీక్షలు జరుగుతున్నాయి.