హైదరాబాద్:టాలీవుడ్ హీరో గోపీచంద్ విభిన్నమైన కథతో సంపత్ నంది దర్శకత్వంలో ‘సీటీ మార్’ సినిమాతో ప్రేక్షకుల ముందుకు వస్తున్నాడు. కబడ్డీ నేపథ్యంలో ఈ సినిమా రానుందని తెలుస్తోంది. ఇక గోపీచంద్ సరైన హిట్ కొట్టి చాలానే రోజులు అవుతుంది. మిల్కీ బ్యూటీ తమన్నా దర్శకుడు సంపత్ నందితో ‘రచ్చ’, ‘బెంగాల్ టైగర్’ సినిమాలు చేయగా మరోసారి ‘సిటిమార్’ హీరోయిన్ గా నటిస్తోంది. గోపీచంద్ కూడా ఈ దర్శకుడితో గతంలో ‘గౌతమ్ నంద’ సినిమాతో వచ్చాడు. ఇదిలావుంటే, తాజాగా వీరి కలయికలో ‘సిటిమార్’ సినిమా విడుదల తేదీని ప్రకటించారు. ఏప్రిల్ 2వ తేదీన థియేటర్లలోకి వస్తున్నట్లు తెలిపారు. ఈ సినిమా తరువాత గోపీచంద్ దర్శకుడు మారుతి దర్శకత్వంలో చేయనున్నాడు. ఈ విషయాన్ని మారుతి అధికారికంగా ప్రకటించిన సంగతి తెలిసిందే.