న్యూ ఢిల్లీ:అంతర్జాతీయ విమాన సర్వీసులు ఈ ఏడాదిలో తిరిగి ప్రారంభమయ్యే అవకాశం లేకుండా పోయింది. కరోనా నేపథ్యంలో అంతర్జాతీయ విమాన రాకపోకలపై నిషేధాన్ని డైరెక్టర్ జనరల్ ఆఫ్ సివిల్ ఏవియేషన్(DGCA) మరోసారి పొడిగించింది.ఫిబ్రవరి 28వరకు అన్ని రకాల కమర్షియల్ ఫ్లైట్స్‌ను రద్దు చేస్తున్నట్టు DGCA సంయుక్త డీజీ సునీల్‌ కుమార్‌ గురువారం సాయంత్రం సర్క్యులర్‌ జారీ చేశారు.కరోనా వైరస్‌ వ్యాప్తి కారణంగా అంతర్జాతీయ విమాన సర్వీసులను గతేడాది మార్చి 23 నుంచి డీజీసీఏ నిలిపేసిన విషయం తెలిసిందే. అయితే, వందే భారత్‌ మిషన్‌లో భాగంగా ఎంపిక చేసిన కొన్ని దేశాలకు విమాన సర్వీసులను కొనసాగిస్తోంది.