రియాద్:సౌదీ అరేబియా మినిస్ట్రీ ఆఫ్ హెల్త్ మరోమారు కోవిడ్ వ్యాక్సినేషన్ ప్రక్రియను రీ-షెడ్యూల్ చేసింది. సరఫరాలో అంతరాయాల నేపథ్యంలోనే వ్యాక్సినేషన్ ప్రక్రియను రీ-షెడ్యూల్ చేస్తున్నట్లు మినిస్ట్రీ పేర్కొంది. తయారీదారు నుంచి సౌదీ అరేబియాతోపాటు ప్రపంచంలోని పలు దేశాలకు వ్యాక్సినేషన్ సరఫరాలో సమస్యలు తలెత్తినట్లు మినిస్ట్రీ వివరించింది. కాగా, రెండో డోస్, మొదటి డోస్ తీసుకున్న తర్వాత ఆరు వారాల్లోపు వేయించుకోవాల్సి వుంటుంది. జనవరి 20న వ్యాక్సినేషన్ రీ-షెడ్యూల్ అయినట్లు మినిస్ట్రీ ప్రకటించిన విషయం విదితమే. వ్యాక్సిన్ తయారీ సంస్థ ఫైజర్ అలసత్వం కారణంగానే ఈ సమస్య తలెత్తింది. వ్యాక్సిన్ అందుబాటులోకి రాగానే మరిన్ని కేంద్రాల్లో వ్యాక్సినేషన్ పక్రియ వేగం పుంజుకుంటుందని మినిస్ట్రీ వెల్లడించింది.