బహ్రెయిన్ : ఇప్పటి వరకు ఉన్న ప్రసూతి సెలవులను మరో పది రోజులు పెంచింది బహ్రెయిన్. దీనికి సంబంధించిన ప్రతిపాదనకు బహ్రెయిన్ ఆమోదం తెలిపింది. ప్రసవం తర్వాత తన బిడ్డ ఆలనపాలన చూసుకునేందుకు తల్లికి రెండు నెలల పాటు వేతనంతో కూడిన సెలవులు ఇస్తున్న విషయం తెలిసిందే. అయితే..ప్రసూతి సెలవుల పెంపు తీర్మానానికి పార్లమెంట్ ఆమోదం తెలుపటంతో ఇక నుంచి ప్రసూతి సెలవులు 70 రోజులకు పెరగనున్నాయి. అన్ని ప్రభుత్వ శాఖల్లోని ఉద్యోగులకు ఈ నిబంధన వర్తిస్తుంది. అంతేకాదు..తండ్రులకు కూడా సెలవుల సంఖ్యను పెంచారు. ప్రసూతి సమయంలో భార్య, బిడ్డలకు తోడుగా ఉండేందుకు గతంలో ఒక రోజు మాత్రమే సెలవు ఇచ్చేవారు. కొత్త రూల్ ప్రకారం ఇక నుంచి మూడు రోజులు సెలవులు తీసుకోవచ్చు.