హైదరాబాద్:చంద్రశేఖర్‌ యేలేటి దర్శకత్వంలో యంగ్‌ హీరో నితిన్‌ నటిస్తున్న చిత్రం చెక్‌. రకుల్‌ ప్రీత్‌ సింగ్‌, ప్రియా వారియర్‌ హీరోయిన్లుగా నటిస్తున్నారు. ఈ సినిమాలో నితిన్‌ ఖైదీగా నటిస్తున్నాడు. రకుల్ ప్రీత్ సింగ్ కీలకమైన లాయర్ పాత్రను పోషించారు. భవ్య క్రియేషన్స్ పతాకంపై వి. ఆనంద్‌ ప్రసాద్ ఈ సినిమాను నిర్మిస్తున్నారు. తాజాగా ఈ సినిమా ట్రైలర్‌ విడుదలైంది. ప్రముఖ నటుడు మురళీ శర్మ వాయిస్ తో 'యద్భావం తద్భవతి' అన్న ఉద్బోధతో ట్రైలర్‌ ప్రారంభమైంది. ఉరిశిక్ష పడిన ఖైదీ నితిన్ చదరంగంతో జైలు నుంచి ఎలా బయట పడ్డాడు అనేది కథాంశంగా ట్రైలర్ బట్టి తెలుస్తోంది. ప్రస్తుతం విడుదలైన ట్రైలర్ ప్రేక్షకులను ఆకట్టుకుంది. ఈ చిత్రం ఫిబ్రవరి 26న విడుదల కానుంది.