అబుధాబి సాయంతో నిర్మితమైన కార్డియాక్ ఆసుపత్రిని బహ్రెయిన్‌లో ప్రారంభించడం జరిగింది. ఈ ఆసుపత్రి కోంస 735 మిలియన్ దిర్హాముల ఖర్చయ్యింది. 2.5 మిలియన్ మందికి ఈ ఆసుపత్రి సేవలు అందించనుంది. యూఏఈ నుంచి 1.9 బిలియన్ దిర్హాములు ఫండ్‌గా బహ్రెయిన్‌కి 2013లో లభించింది. జిసిసి డెవలప్‌మెంట్ ప్రోగామ్ ద్వారా ఈ నిధులు అందాయి. 148 పడకలతో, 53,000 చదరపు మీటర్ల వైశాల్యంలో ఈ ఆసుపత్రిని నిర్మించారు. ఈ కేంద్రంలో ఇంటిగ్రేటెడ్ సౌకర్యాల్ని ఏర్పాటు చేశారు. రేడియాలజీ అండ్ ఇమేజింగ్ సెక్షన్లు, ఔట్ పేషెంట్ క్లినిక్‌లు, ఫార్మసీ, ఫిజియోథెరపీ, స్టెరిలైజేషన్ మరియు అత్యవసర డిపార్టుమెంట్లు ఈ కార్డియాక్ సెంటర్లో కొలువుదీరాయి.