మస్కట్:రెసిడెన్సీ వీసా గడువు తొందర్లోనే ముగియనుందా? ఇతర ఉద్యోగాల్లో ఉన్న వారి సంగతేలా ఉన్నా..మీరు డ్రైవింగ్ ఫీల్డ్ లో ఉంటే మాత్రం అలర్ట్ కావాల్సిందే. ఎందుకంటే డ్రైవింగ్ ఫీల్డ్ లో ఉన్న వాళ్లందరి రెసిడెన్సీ వీసాలను రెన్యూవల్ చేయబోమని ఒమన్ కార్మిక మంత్రిత్వ శాఖ ఆదేశించింది. నిర్దేశించిన నిబంధనలకు అనుగుణంగా సరైన డ్రైవింగ్ లైసెన్స్ ఉన్న వారికి మాత్రమే వీసా రెన్యూవల్ చేస్తామని స్పష్టం చేసింది. డ్రైవింగ్ ఫీల్డ్ లో ఉండి.. జూన్ 1, 2021తో వీసా గడువు ముగిసే వారు...వీసా రెన్యూవల్ కోసం చేసే దరఖాస్తుతో పాటు డ్రైవింగ్ లైసెన్స్, ఎక్కడ ఉద్యోగం చేస్తున్నారో అనే వివరాలను కూడా తెలియచేయాలని కార్మిక శాఖ సూచించింది.