పవిత్ర రమదాన్ మాసం జూన్‌ 18వ తేదీ నుంచి మొదలు కావచ్చని అంచనా వేసింది షార్జా ప్లానెటోరియం.ఖగోళ లెక్కల ప్రకారం ఈ నిర్ణయానికి వచ్చినట్లు షార్జా ప్లానిటోరియం వెల్లడించింది.శుక్రవారం, జులై 17న ఈద్‌ ఉల్‌ ఫితర్‌ ఉండొచ్చని షార్జా ప్లానెటోరియం జనరల్‌ సూపర్‌వైజర్‌ అల్‌ జర్వామ్‌ చెప్పారని అధికారిక సంస్థ ‘డబ్ల్యుఎఎమ్‌’ ప్రకటించింది.అయితే ఈసారి రమదాన్ మాసంలో పగలు సమయం ఎక్కువగా ఉండనుంది.అత్యధికంగా పగలు 13 గంటల 45 నిమిషాల సేపు ఉంటుందని అంచనా వేస్తున్నారు.ఉపవాస సమయాన్ని 15 గంటల 15 నిమిషాలుగా అంచనా వేశారు. అత్యధికంగా 41 డిగ్రీల సెంటీగ్రేడ్‌, అత్యల్పంగా 26 డిగ్రీల సెంటీగ్రేడ్‌ రమదాన్ మాసంలో ఉష్ణోగ్రతలు నమోదు కానున్నాయట.హ్యుమిడిటీ 82 మరియు 34 శాతంగా నమోదవనున్నాయని అల్‌ జర్వాన్‌ చెప్పారు.
 

--సి.శ్రీ(దుబాయ్)