హైదరాబాద్:ప్రముఖ బాడ్మింటన్ క్రీడాకారిణి సైన నెహ్వాల్ బయోపిక్ ఈ నెల 26న విడుదల కానుంది. ఓ సాధారణ యువతి ఒలంపిక్ మెడల్ ఎలా సాధించిందనే అంశంతో ఈ బయోపిక్ తెరకెక్కింది. పరిణితీ చోప్రా సైనా పాత్రలో నటించింది. టీ సీరీస్ భూషణ్ కుమార్ నిర్మిస్తున్న ఈ చిత్రానికి దర్శకుడు అమోల్ గుప్తే. 'సైనా' పేరుతో తెరకెక్కుతున్న ఈ సినిమా ప్రీ లుక్ పోస్టర్ విడుదలైంది. ప్రీ లుక్ పోస్టర్ తో పాటు విడుదల తేదీని కూడా ప్రకటించారు దర్శకనిర్మాతలు. సైనా నిజజీవితంలో జరిగిన సంఘటనలో తెరకెక్కిన ఈ సినిమా కోసం పరిణితీ చోప్రా కఠోర సాధన చేసింది. బయోపిక్ లకు ఆదరణ లభిస్తున్న ప్రస్తుత నేపథ్యంలో సైనా నెహ్వాల్ బయోపిక్ 'సైనా' కూడా ప్రేక్షకాదరణ పొందుతుందేమో చూద్దాం.