సౌదీ:ఎవరైతే ఈ ఏడాది హజ్ యాత్రకు వెళ్ళాలనుకుంటారో, అలాంటివారంతా తప్పనిసరిగా వ్యాక్సినేషన్ చేయించుకోవాలని సౌదీ మినిస్ట్రీ ఆఫ్ హెల్త్ స్పష్టం చేసింది. కరోనా పాండమిక్ నేపథ్యంలో కోవిడ్ 19 వ్యాక్సిన్ పొంది, ఆ సర్టిఫికెట్ సమర్పిస్తేనే హజ్ యాత్రకు అనుమతిస్తామని అథారిటీస్ తేల్చి చెప్పాయి. జులై నెలాఖరున ప్రారంభమయ్యే ఐదు రోజుల హజ్ సీజన్‌కి సంబంధించి అతి ముఖ్యమైన నిబంధనగా కోవిడ్ 19 వ్యాక్సినేషన్‌ని ప్రభుత్వం పరిశీలిస్తోంది. కరోనా వ్యాప్తిని అడ్డుకునేందుకు దేశం వెలుపల వున్నవారిని ఈసారి హజ్ యాత్రకు అనుమతించకుండా వుంటారా.? అన్నదానిపై ఇంకా స్పష్టత రాలేదు.