హైదరాబాద్:తెలంగాణలో కరోనా మహమ్మారి క్రమంగా తగ్గుముఖం పడుతున్నది. కేరళ, మహారాష్ట్రలో కేసులు పెద్ద సంఖ్యలో నమోదవుతుండటంతో అప్రమత్తంగా ఉండాలని కేంద్రం ఇప్పటికే హెచ్చరికలు జారీ చేసింది.  ఇక ఇదిలా ఉంటె, తాజాగా తెలంగాణ ప్రభుత్వం కరోనా బులెటిన్ ను రిలీజ్ చేసింది.  ఈ బులెటిన్ ప్రకారం రాష్ట్రంలో తాజాగా 168 కొత్త కేసులు నమోదయ్యాయి.  దీంతో రాష్ట్రంలో కొత్తగా నమోదైన కరోనా కేసుల సంఖ్య 2,99,254కి చేరింది.  ఇందులో 2,95,707 మంది కోలుకొని డిశ్చార్జ్ కాగా, 1912 కేసులు యాక్టివ్ గా ఉన్నాయి.  అయితే,తాజా బులెటిన్ ప్రకారం రాష్ట్రంలో కొత్తగా కరోనా మరణాలు సంభవించలేదు.  ఇప్పటి వరకు రాష్ట్రంలో నమోదైన మొత్తం కరోనా మరణాల సంఖ్య 1635గా ఉన్నది. 

--హరి మాగల్ఫ్ ప్రతినిధి,తెలంగాణ)