న్యూ ఢిల్లీ:భారత్ లో కరోనా పాజిటివ్‌ కేసుల సంఖ్య వివరాలు కేంద్ర ఆరోగ్యశాఖ తాజా బులెటిన్ చేసింది.గత 24 గంటల్లో దేశవ్యాప్తంగా 17,921 కరోనా పాజిటివ్ కేసులు నమోదు అయ్యాయి... ఇదే సమయంలో 20,652 రికవరీ కేసులు నమోదు అయ్యాయి. ఇక, ఒకేరోజు 133 మంది కరోనాతో మృతిచెందారు.. దీంతో... ఇప్పటి వరకు నమోదైన కరోనా పాజిటివ్ కేసుల సంఖ్య 1,12,62,707కు చేరుకోగా... రివరీ కేసులు 1,09,20,046కు పెరిగాయి.. ప్రస్తుతం దేశవ్యాప్తంగా 1,84,598 యాక్టివ్ కేసులు ఉన్నట్టు బులెటిన్‌లో పేర్కొంది కేంద్రం. మరోవైపు.. ఇప్పటి వరకు కరోనాబారినపడి 1,58,063 మంది కన్నుమూశారు. గత బులెటిన్‌లో 15,388 కోవిడ్ పాజిటివ్ కేసులు నమోదు అయితే.. ఇవాళ ఆ సంఖ్య అమాంతం 17,921కు పెరగడం ఆందోళనకు గురిచేస్తోంది. ఓవైపు వ్యాక్సినేషన్ కొనసాగుతుండగా.. మరోవైపు కొత్త కేసులు పంజా విసురుతూనే ఉన్నాయి.