బహ్రెయిన్:ప్రతి మనిషికి రాజ్యాంగం ద్వారా సంక్రమించిన తన ప్రాథమిక హక్కులను అనుభవించే స్వేచ్ఛను సూచిస్తూ గల్ఫ్ దేశాలు నేడు మానవ హక్కుల దినోత్సవాన్ని జరుపుకుంటున్నాయి. అరబ్ దేశాల మానవ హక్కుల దినోత్సవంలో బహ్రెయిన్ కూడా భాగస్వామ్యం అవుతోంది. ప్రతి వ్యక్తి స్వేచ్ఛగా జీవించాలన్నదే తమ అభిమతమని ఈ సందర్భంగా ప్రకటించిన బహ్రెయిన్..అందుకు అనుగుణంగా దేశంలో వివక్షకు తావు లేకుండా సమానత భావంతో సంక్షేమాన్ని కొనసాగిస్తున్నట్లు వివరించింది. దేశవ్యాప్తంగా చేపట్టిన వ్యాక్సినేషన్ ప్రక్రియే అందుకు ఉదాహరణగా చెప్పుకొచ్చింది. కింగ్డమ్ లోని పౌరులు, ప్రవాసీయులు, ఖైదీలకు వ్యాక్సిన్ అందిస్తున్నామని..బహ్రెయిన్ కు మానవ హక్కుల పట్ల ఉన్న అంకితభావానికి ఇదే నిదర్శనమని పేర్కొంది.