పుట్టినరోజుకు ఒక రోజు ముందే జాతీయ అవార్డును కానుకగా అందుకున్న కంగనా రనౌత్ బర్త్ డే రోజున 'తలైవి' సినిమా ట్రైలర్ విడుదలైంది. పాన్ ఇండియా సినిమాగా తెరకెక్కిన ఈ సినిమా పురైచ్చి తలైవి జయలలిత బయోపిక్ గా రూపొందుతోంది. ప్రేక్షకులు ఎంతగానో ఎదురు చూస్తున్న మోస్ట్ అవైటెడ్ బయోపిక్ చిత్రం ట్రైలర్ అందరినీ ఆకట్టుకుంటోంది. దర్శకుడు విజయ్ జయలలితలోని సినిమా, రాజకీయ కోణాలను క్లియర్ గా చూపించబోతున్నట్లుగా ఉంది. ఇక కంగనా తన స్క్రీన్ ప్రెజెన్స్ తో జయలలితను మరిపించిందనే చెప్పాలి. ఎం.జి.ఆర్ గా అరవింద స్వామి కూడా పర్ ఫెక్ట్ గా సూటయ్యాడు. జీవి ప్రకాష్ బ్యాక్గ్రౌండ్ స్కోర్, విశాల్ విట్టల్ సినిమాటోగ్రఫీ సినిమాను గ్రాండియర్ గా కనిపించేట్లు చేస్తున్నాయి. విష్ణు వర్ధన్ ఇందూరి, శైలేష్ ఆర్ నిర్మిస్తున్న ఈచిత్రం ఏప్రిల్ 23న భారీ స్థాయిలో విడుదల కానుంది.