సౌదీ అరేబియా: మొత్తం 4 మిలియన్లకు పైగా డోసుల వ్యాక్సినేషన్ జరిగినట్లు సౌదీ అరేబియా మినిస్ట్రీ ఆఫ్ హెల్త్ పేర్కొంది. 4,053,069 డోసుల వ్యాక్సినేషన్ మార్చి 28 నాటికి పూర్తయ్యింది. మొత్తం 587 వ్యాక్సినేషన్ కేంద్రాలు సౌదీ అరేబియాలో వున్నాయి. మరిన్ని వ్యాక్సినేషన్ కేంద్రాలు తెరచుకోనున్నాయని అధికారిక ప్రతినిథి ఒకరు వెల్లడించారు. వ్యాక్సిన్ రిజిస్ట్రేషన్ కోసం పెరుగుతున్న డిమాండ్ నేపథ్యంలో కొత్త కేంద్రాల ఏర్పాటు జరుగుతోంది. సెహాతీ యాప్ ద్వారా వ్యాక్సినేషన్ కోసం రిజిస్టర్ చేసుకోవాలని పౌరులు, నివాసితుల్ని అథారిటీస్ సూచిస్తున్నాయి. ఉచితంగానే వ్యాక్సినేషన్ కార్యక్రమం జరుగుతోంది.