సౌదీ అరేబియా: పవిత్ర రమదాన్ మాసంలో సంప్రదాయ బద్ధంగా జరిగే బఫెట్ సర్వీసులను రెస్టారెంట్లలో నిలిపివేస్తూ అథారిటీస్ నిర్ణయం తీసుకున్నాయి. కరోనా వైరస్ కేసులు పెరుగుతున్న దరిమిలా ఈ నిర్ణయం తీసుకున్నారు. మక్కా మునిసిపాలిటీ అధికార ప్రతినిథి రాద్ అల్ షరీఫ్ మాట్లాడుతూ, ఓపెన్ బఫెట్ సర్వీసులు (రెస్టారెంట్లలో)  అలాగే బహిరంగ ప్రదేశాల్లో జరిగే ఫుడ్ బాంకెట్స్ కూడా సస్పెండ్ చేయడం జరిగిందని చెప్పారు. రెస్టారెంట్లు నిబంధనలు పాటిస్తున్నాయా.? లేదా.? అన్నదానిపై ఎప్పటికప్పుడు తనిఖీలు జరుగుతాయని వివిరంచారు. మరోపక్క మదీనాలో కూడా అథారిటీస్ ఇవే నిర్ణయాల్ని అమల్లోకి తెచ్చారు. రమదాన్ నేపథ్యంలో స్టోర్లు రోజంతా పనిచేసేలా చర్యలు తీసుకోవాలని ఆదేశాలు జారీ చేశారు. కరోనా నిబంధనల్ని పాటించడం తప్పనిసరి.