దుబాయ్:27 ఏళ్ళ సేల్స్ మేన్, తాను పనిచేసిన ఓ వస్త్ర దుకాణాన్ని తగలబెట్టాడు. ఈ క్రమంలో 1 మిలియన్ దిర్హాముల నష్టం వాటిల్లింది. నైఫ్ ప్రాంతంలో ఈ ఘటన చోట చేసుకుంది. వివరాల్లోకి వెళితే, షాపు ఓనర్.. తన వద్ద పనిచేసిన సేల్స్ మేన్ కి జీతం చెల్లించలేదని తేలింది. బాధితుడి రెసిడెన్సీ రద్దవడానికి కూడా షాపు ఓనర్ కారణంగా తెలుస్తోంది. ఈ నేపథ్యంలో బాధితుడు దొంగతనానికి యత్నించాడు. అయితే, షాపులో డబ్బు దొరక్కపోవడంతో, షాపుని తగలబెట్టాడు. లైటర్ సాయంతో షాపులో మంటలు వచ్చేలా చేసి, షట్టర్ మూసివేవాడు. అనంతరం అక్కడి నుంచి పారిపోయాడు. సీసీటీవీ పరిశీలించగా, అసలు విషయం బయటపడిందని షాప్ ఓనర్ పేర్కొన్నారు.